តាមការចុះផ្សាយដោយសារព័ត៌មាន Bloomberg និង Reuters នាពេលថ្មីៗនេះ រដ្ឋបាលអាមេរិកក្រោមការដឹកនាំរបស់លោកដូណាល់ ត្រាំ កំពុងពិភាក្សាអំពីការទិញភាគហ៊ុនប្រហែល ១០% ក្នុងក្រុមហ៊ុន Intel។ ការដាក់ពិចារណានេះអាចនឹងក្លាយជាការបំលែងថវិកាជំនួយប្រមាណ ១០.៩ ពាន់លានដុល្លារ ដែល Intel ទទួលបានតាមច្បាប់ CHIPS ទៅជាភាគហ៊ុនរបស់រដ្ឋ។ ប្រសិនបើកិច្ចព្រមព្រៀងនេះកើតមាន អាមេរិកនឹងក្លាយជាអ្នកកាន់ភាគហ៊ុនធំមួយក្នុងក្រុមហ៊ុនផលិតគ្រឿងអេឡិចត្រូនិចខ្នាតយក្សមួយនេះ។
ភាគហ៊ុន Intel បានធ្លាក់ប្រហែល ៣ ទៅ ៥% បន្ទាប់ពីព័ត៌មាននេះចេញផ្សាយ ដោយអ្នកវិនិយោគមានការព្រួយបារម្ភអំពីការួមបញ្ចូលរដ្ឋាភិបាល ជាអ្នកកាន់ភាគហ៊ុន និងបញ្ហានៃការរួមបញ្ចូលភាគហ៊ុន (dilution)។ ទោះជាយ៉ាងណា ក្រោយមកភាគហ៊ុនបានកេីនឡើងវិញ បន្ទាប់ពីមានការប្រកាសថា ក្រុមហ៊ុនជប៉ុន SoftBank បានវិនិយោគចំនួន ២ ពាន់លានដុល្លារ ចូលក្នុង Intel។
រដ្ឋាភិបាលសហរដ្ឋអាមេរិក ចង់ពង្រឹងសមត្ថភាពផលិតកម្មឧបករណ៍អេឡិចត្រូនិចក្នុងស្រុក និងធានាថា តម្លៃពន្ធប្រជាពលរដ្ឋមានផលចំណេញត្រឡប់មកវិញ។ ការចូលរួមជាអ្នកកាន់ភាគហ៊ុននឹងបង្ហាញពីទិសដៅរបស់រដ្ឋាភិបាលត្រាំក្នុងការចូលរួមយ៉ាងជ្រាលជ្រៅលើសហគ្រាសឯកជនយ៉ាងសំខាន់ ដូចជាករណីកន្លងមកដែលមានការចូលរួមជាមួយ Nvidia, AMD និងក្រុមហ៊ុនដែក U.S. Steel។
គួរជម្រាបថា សម្រាប់ Intel ដែលកំពុងប្រឈមមុខនឹងបញ្ហាការផលិត និងការពន្យារពេលគម្រោងរោងចក្រ Ohio ការជួយពីរដ្ឋាភិបាល និង SoftBank អាចនឹងផ្តល់នូវទឹកប្រាក់ និងឥទ្ធិពលនយោបាយដ៏សំខាន់៕ប្រភព៖ FRESH NEWS
សម្រាប់ព័ត៌មានបន្ថែមសូមទំនាក់ទំនងតាមរយៈ៖
Address: GIA Tower, G11 Floor, Room G1111 A-12, Phnom Penh, Cambodia
Hotline : (+855) 11 880 288
Email: hotline@sandaiinvestment.com.kh
Website: sandaiinvestment.com.kh
